Ак-Турпак айылдык кеңешинин VIII чакырылышынын кезектеги ХIII сессиясы
ТОКТОМ
2025-жылдын 2-декабры № 42 Жаңы-Жер айылы
Ак-Турпак айылдык кеңешинин 2025-жылдын 1-июлундагы “Ак-Турпак айыл аймагынан 1000 (бир миң) га жер аянтын узак мөөнөткө ижарага берүү жөнүндө” № 26 сандуу токтомун жокко чыгаруу жөнүндө
Кыргыз Республикасынын Президентинин 2023-жылдын 23-мартындагы ПЖ № 62 “Энергиянын кайра жаралуучу булактарын пайдалануу үчүн багытталган жерлерди берүү маселелери жөнүндө” Жарлыгына, Кыргыз Республикасынын Министрлер Кабинетинин 2022-жылдын 12-ноябрындагы № 621 токтомуна, ошондой эле “Кыргыз Республикасынын Министрлер Кабинетине караштуу Жашыл энергетика фонду” мамлекеттик мекемесинин 2025-жылдын 20-октябрындагы Кадамжай районунун мамлекеттик администрациясына жолдогон катына ылайык жана жер аянттарынын такталышынын жыйынтыгында суралган жер аянты 1000 (бир миң) гектар эмес, 763 ( жети жүз алтымыш үч) гектар болуп аныкталгандыгына байланыштуу, айылдык кеңештин сессиясы токтом кылат:
- Ак-Турпак айылдык кеңешинин 01.07.2025-жылдагы № 26 сандуу “Ак-Турпак айыл аймагынан 1000 (бир миң) га жер аянтын узак мөөнөткө ижарага берүү жөнүндө” токтому, суралган жер аянтынын өлчөмү өзгөргөндүгүнө (1000 га ордуна 763 га) байланыштуу жокко чыгарылсын.
- Ушул токтомду аткаруу жагы айыл өкмөтүнүн башчысы Ж.Маканбаевге жана айылдык кеңештин жооптуу катчысы Н.Насибалиевге милдеттендирилсин.
- Токтомдун аткарылышын көзөмөлдөө жагын өзүмө калтырамын.
Төрага А.Имаров