Ак-Турпак айылдык кеңешинин VIII чакырылышынын кезектеги Х сессиясы
ТОКТОМ
2025-жылдын 14-августу № 34 Жаңы-Жер айылы
“Ак-Турпак” муниципалдык ишканасынын 2025-жылга бюджетине
өзгөртүү жана толуктоолорду киргизүү жөнүндө
“Ак-Турпак” муниципалдык ишканасынын жетекчиси М.Ботобековдун 2025-жылдын 14-августундагы № 5 сураныч каты каралып, Ак-Турпак айыл өкмөтүнүн башчысы Ж.Маканбаевдин маалыматы угулуп, талкууланып, Ак-Турпак айылдык кеңеши токтом кылат:
- “Ак-Турпак” муниципалдык ишканасынын 2025-жылга бюджетине айыл өкмөтүнүн субсидиясынын жана башка кошумча каражаттардын эсебинен өзгөртүүлөр жана толуктоолор киргизилсин.
- “Ак-Турпак” муниципалдык ишканасынын кызматкерлеринин эмгек акысын жогорулатуу максатындагы бюджеттин жетишпеген бөлүгүн (дефицит) толуктоо үчүн Ак-Турпак айыл өкмөтүнүн жергиликтүү бюджетинен 1 268 136 (бир миллион эки жүз алтымыш сегиз миң жүз отуз алты) сом субсидия бөлүп берүүгө макулдук берилсин.
- “Ак-Турпак” муниципалдык ишканасынын 2025-жылга бюджетинин киреше бөлүгү 2 768 136 млн сом айыл өкмөтүнүн субсидиясын кошкондо жалпы 5 455 796,2 (беш миллион төрт жүз элүү беш миң жети жүз токсон алты сом 20 тыйын) сом өлчөмүндө бекитилсин.
- “Ак-Турпак” муниципалдык ишканасынын 2025-жылга бюджетинин чыгаша бөлүгү 5 455 796,2 сом өлчөмүндө бекитилсин.
- Бул токтомдун аткарылышын камсыз кылуу “Ак-Турпак” муниципалдык ишканасынын жетекчиси М.Ботобековго милдеттендирилсин.
- Токтомдун аткарылышын көзөмөлдөө Ак-Турпак айыл өкмөтүнүн башчысы Ж.Маканбаевге жүктөлсүн.
Төрага А.Имаров